ZOZKETAKO ZENBAKI SARITUAK

Lehenengo zenbakia :  0511  (Joanak saldua) 

Bigarren zenbakia :  1647     (Mattinek saldua)

Azaroak 25

Emakumeen Kontrako Indarkeriaren Aurkako Nazioarteko 

Egunaren harira udaletxeko atarian bildu ginen, emakumeek 

jasaten duten indarkeriari EZ errateko.

LESAKAKO FERIAK

Eguraldi atsegina, udazken kolore ederrak bidean zehar, behiak, ardiak, zaldiak, lagunarte ona, talo, gazta zein ezti postuak, gaitarien musika alaia, Krepe goxoak, herri kirolak, ... Osagai bikainak feri egun ederra pasatzeko!!!

ZIENTZIAREN MUSEOAN

IGANTZIKO ZIENTZIALARI TTIKI-HANDIAK DONOSTIAKO EUREKA, ZIENTZIAREN MUSEORA JOAN ZIREN.
PLANETARIOA ETA ZIENTZIAREN BERTZE HAINBAT ALOR AZTERTZEKO AUKERA IZAN ZUTEN.
IKUSTEN DUZUEN GISAN,  EZ ZUTEN AUKERARIK GALDU ALBERT EINSTEINEN ONDOAN ARGAZKIA ATERATZEKO!!!

ESPAZIOA ETA ILARGIAREN PROIEKTUA

Lan eta lan!! 1. 2. eta 3. mailakoak espazioa eta ilargiaren inguruko proiektuan murgilduak daude. Herriko dendan ibiliak dira txorizoaren forma aztertzen, eta bai, honek ere forma eliptikoa du. Goxoa zegoen...
Eraikuntza lan batzuk ere egin behar izan dituzte proiektu bukaerako lana gauzatzeko. Aitzinerago ikusi beharko zein helburu daukaten esku artean!!!

LAN ETA LAN, AUZOLAN!

Gaur auzolan eguna izan dugu eskolan  eta zaborra biltzen pasatu dugu goiza.

Haur Hezkuntzakoak herrian barrena ibili dira jo eta ke garbiketa lanetan. Lanaren ondotik gaileta goxoak dastatuz.

Lehen Hezkuntzakoak berriz, oinez jeitsi gara trenbideraino. Gosaldu, indarrak hartu eta ekin diogu garbiketa lanei.

Kontent gelditu gara, guztia txukunago utzita!

Joan zen ortziraleko eguraldi ederra aprobetxatuz bizikleten eguna ospatu genuen.

Ttikienak eskola inguruan eta herrian zehar igaro zuten eguna eta handienak berriz trenbribetik barrena ibili ginen. Batzuk Alkaiagaraino eta bertzeak Endarlatzaraino ailegatuz.

Egun polita, bai horixe!

DONOSTIAKO ZINEMALDIA - Argazkiak

Jolastokiaren Dinamizazioa

Kaixo guztioi!

Ikasturte honetan eskolaren Plan Estrategikoa lantzen ibili gara eta, jostaldiei buruz hausnartu genuenean, aipatu genuen gurean ere futbolzentrismo arazo bat genuela oraindik. Futbolak jolastokiaren eremu handiena eta zentrala hartzea, joko lehiakor eta nahiko fisiko batekin, normalean neskak zokoratuta uzten dituena eta mutil asko jolas bakarrean aritzera bultzatzen dituena... Kudeatu beharreko kontua da.

Bagenuen mugatua futbolaren aukera (astearte eta asteazkenetan bakarrik ahal da) baina ohartu ginen beste egunetan ideiarik gabe geratzen zirela, baloiari begira halako melankolia batez, hurrengo egunean jolasteko zain bezala...

Irakasleok alternatibak proposatu nahi genituen, baina ez genuen jostaldiko denbora-espazio hori ere gidatu nahi... Beraz jolastokia birmoldatzea pentsatu genuen, beste gauza batzutan jokatzeko-jolasteko aukera izan zezaten.

Margotzen hasi ginen eta hauek daude prest:
- Xake taula handia
- Hiru lerroan jokoa
- Jantokirako salto-bidea
- Hanka baseball
- Frontoitxo bat (jantokiko sarreran txapa bat margotuta)
- Saskibaloiko areak margotu (saskiei altuera jaistea falta)
- Koloretako laberintoak

Horiek egin ditugu, baina ideia gehiago badaude! Eta gurasoen ideiak ere gustura jasoko genituzke. Guraso Batzordea hilean behin biltzen da, horren bidez komunikatzea litzateke onena (mila esker!!).

Jakina, badaude aukera gehiago jostaldian ondo pasatzeko: dantzak, armiarma jokoa, liburua irakurtzea, Corpusekin jostatzea... :-)

1. Ziklokoen KANPALDIA

1. Ziklokoak ere joan dira kanpaldira, Beirera hain zuzen ere, eta ederki ari dira pasatzen... Ea zer kontatzen duten etxera itzultzean!!

Haur Hezkuntzakoen KANPALDIA

Irrisarri landen daude eskolako txikiak! 4-5 urtekoak joan dira eta... ederki pasatzen ari direla dirudi!!

LANBIDEAK (1. zikloa)

Kaixo!

Ikasturte amaierara heltzen ari gara... eta 1. ziklokoak Lanbideak lantzen aritu dira. Galdera sorta ederra prestatu zuten eta profesional ugari ekarri ditugu eskolara. Emakumeak edozein lanetan aritu daitezkeela erakutsi diguten pertsonak etorri dira gelara. MILA ESKER BISITAGATIK!! Onenak zarete!!!

Hurrenez hurren, lanbide hauek ezagutu ditugu:

- Ane Bergara: Futbolari profesionala, lehen mailan aritutakoa, Gure Txokoa taldean hasi eta Erreala, Espainyol, Bartzelona, Athletic... ezagutu ditu. Gainera, beste gauza aunitz ere egiten daki! Irakaslea da, fisioterapeuta izateko bidean...

- Amaia Caro: Ingurumen Zientzietan doktorea, barraskilo genero baten genetikari buruz tesia argitaratu berri du (a ze liburu puska!). Mendira laginketak egitera nola joaten diren azaldu digu, gero laborategia, ordenagailuko lana...

- Itziar autobus gidaria: Igantzikoak bezalako umeak ekarri eta eraman ibiltzen da, ez da edonor ausartzen horrelako ibilgailu puska gidatzen! Ze inbidia!

- Amaia suhiltzailea: azkenik suhiltzaile lanetan ibiltzen den Amaia etorri zaigu. Ez genuen uste hainbeste ikasi behar zenik suhiltzaile izateko: elektrizitatea, iturgintza... eta a ze forma fisikoa baita ere! Suhiltzaile arropak eta kaskoak ere gustatu zaizkigu denoi, noski!

Eskerrik asko lauroi bisitagatik!!!!

Haur Hezkuntzakoak AQUARIUMERA!

Zeinen ondo pasa zuten Haur Hezkuntzako ikasle eta irakasleek Donostian! Begira, begira!!

KANPALDIA Zuhatzan (3. zikloa)

3. ziklokoek ere kanpaldia izan dute! Añanako gatzagak ezagutu zituzten lehen egunean eta Zuhatza irlan beste hainbat gauza. Azken egunean eguraldi euritsuagoa izan da... baina ezin kexatu, gozatzeko aukera izan da!! Begira, begira!

KANPALDIA Zarautzen (2. zikloa)

Eguraldi ederra izan dute kanpaldian aurten 2. ziklokoek!! Zarautzera joan dira Etxalar eta Arantzako ikasleekin batera, beste leku batzuetako umeak ere bazeuden, Gasteizkoak adibidez. Ikusi dute Zumaiako flisch-a, Orio aldera ibilaldi ederra egin zuten, bainatu dira hondartzan... Lo ere ederki egin dute, Aitor harrituta eta pozik 8 ordu jarraian lo egin duelako! Hementxe duzue bideo bat non ibili diren ikusteko:

BARATZA

Kaixo!

Aurten ere baratza jarri genuen martxan, eskolako ikasle guztien artean. Tipula batzuk desagertzen joan dira... baina letxugak ederki handitu dira! Aste honetan eraman dute letxuga bana etxera ikasleek. On egin!

3. zikloaren txangoa Donostiara

Hemen dituzue Tabakaleran eta Txuri Urdin izotz pistan ateratako argazki batzuk!

2019 Joko Topaketa

Aurtengoan ere Joko Topaketa antolatu da eta Etxalarko pilotalekua umez bate zaigu. Oso esperientzia ederra da adin eta eskola desberdinetako ikasleak taldekatzea. Ez da batere gatazkarik sumatu, errotazioak txukun egin dira, eguraldi ederra jokoek behar izan duten denboran... Zorionak Gorputz Heziketako irakasleei antolakuntzagatik, egun bikaina! Hurrengo urteran gehiago!!

2019ko aprilaren 12a : IRUÑAKO PLANETARIUM

Apirilaren 11an Igantziko 2. zikloko ikasleak Iruñako planetarium-era joan ginen Arantza eta Etxalarko ikasleekin batera. Bertako saioak, eskolan ikasitakoa errepasatzeko balio izan zigun. Hiru ataletan banatu zen saioa:

Alde batetik, pelikula motz bat ikusi genuen, planeta guztien ezaugarri desberdinak aipatu zizkigutelarik. Bestetik, aurreko gaueko zerua ikusi eta aztertzeko aukera izan genuen eta zenbait konstelazio desberdin ezagutu genituen. Azkenik, azken egunetan hainbesteko oihartzuna izan duen  ``zulo beltza``-ren bideo bat jarri ziguten.

Oro har, ongi eta gustora ibili ginen, nahiz eta eguraldiak ez zigun gehiegi lagundu.  Hona hemen argazki batzuk.

2019ko Martxoak 8

Aurten ekintza ugari egin ditugu eskolan M8 egunean. Ikasleekin gaia modu ugaritan lantzeaz gain, herriko plazan bertso batzuk kantatu genituen, hain ezagunak diren Uxue Alberdik idatzitako eta Mikel Markezek musikatutako "Konplize ditut eta" bertsoak hain zuzen ere.

Ondoren emakumeen* ikur morea osatu genuen eskolako ikasle guztiekin.

Eta ez dezagun ahaztu, noski, urte osoan garatu beharreko bidea dugula feminismoa! Gora transformazio pentsonalarekin gizartea hobetzen duten guztiak!

2019ko IHAUTEAK

Haur Hezkuntzako argazkiak:

Mairuen bisita (aste bat lehenago) eta LHkoen ihauteetako argazkiak:

Ah! eta hurrengo astean Amadeo etorri zen Haur Hezkuntzako ikasleei mozorro batzuk erakustera. Nola mozorrotzen ote ziren Igantzin orain dela 100 urte? Hementxe duzue argazki eder bat, mila esker bisitagatik hiru lagun anonimoei!!

2019 Antzerki Eguna

Martxoaren 1ean Antzerki Eguna izan genuen Baratzondon eta argazki batzuk paratzen dizkizuegu hemen. Gurasoren batek bideoak nahi balitu, eskolan eskatu eta bidaliko dizkiogu.

Zorionak ikasle eta irakasle guztiei egindako lanagatik, lan guztiak bikainak izan ziren!!

Arbola Eguna 2019

Aurtengo zuhaitz eguna heldu dela! Eguraldi ederra, basozainen bisita eskolara, zaurituta zegoen zapelatz bat ere askatuko dugu... eta arratsaldean zuhaitzak landatu eta berendua! Hementxe dituzue abesten ditugun bertsoak eta laster paratuko ditugu argazkiak behean!

Nola ez dugun falta

Igantzin mendia

bertara etorri eta

gozatu begia

Zuhaitzek badaukate

abantail haundia

Udarako itzala

txorien kabia

paisai ederragoa 

ta haize garbia.

Inork ez du landatzen 

bertzeek mozteko

arbolak beharrezko 

dira bizitzeko

zer egin dezakegu

hauek indartzeko 

guk landatu ditugu

eskola galtzeko

arrazoi bat gehiago

natura zaintzeko.

Eskolatik etorri

gara landatzera

Guraso ta ikasle

guztiak batera

baina luzatu gabe

kantuak sobera.

Gure bertsoek hemen

dute bukaera

utzi kantatzeari

goazen berentzera.

04/05-10/11 3. zikloa

Doinua: Antton eta Maria ("batetikan korroska")

-----------------------------------

Igantzia aldean ospatzen dugu

gaur arbolaren eguna

hondarko urtetan bihurtu zaigu

aski gauza ezaguna

lan hau (eg)iteko izandu dugu

norbait lagundu diguna

aitzurra hartu, zuloa egin

hara plantatu duguna!

Kontent dagozi Frain inguruan 

txantxangorri eta usua

kontent dagozi Frain inguruan

bele ta eskinusua

kontent dagozi miru, okila

zozo, eper ta kukua

haritz hauetan badutelakoz

kabia e(g)iteko lekua.

Landare hauek haziko dire

urteak pasatu ahala

zainak sendotuz joanen dire

gorputza hartuz azala

adar sendoek emanen dute

nornahirentzako itzala

gure naturak eman diguna

jendeak zaindu dezala

94/95 3. zikloa

Doinua: Lehio ertzetik entzun dezaket
--------------------------------------------

Zuhaitz Eguna dugu

bai egun alaia

urtea ondo hasteko

egiten den jaia

hasieran nekeza

gero ez da zaila

handienek ederki

txikienak saia

baso bihurtuko da

lehen zena zelaia

Animaliak daude

basoan seguru,

lur ta urei eusteko

ere balio du

basoak lotzen ditu

zeru eta zoru

bizitza indartzea

daukagu helburu

zuhaitzak jarri baino

gehiago egin dugu

Baina ez da gertatzen

hori berehala

hau aditzen duenak

ulertu dezala

adar gutxi dituzte

enborra argala

babestu beharko dira

handitu ahala

maitatu eta zaindu

lagunak bezala

Landatu eta gero

mordo bat guztira

lana bukatu denez

eman dugu bira 

zuhaitzak bertan utziz

bagoaz herrira

eta zalantza sortu

atzera begira

gu baino luzeago

biziko ote dira?

2018-2019

Doinua: Espainian behera

(Antton eta Maria doinuan ere abestu daiteke)