viernes, 22 de diciembre de 2017
jueves, 21 de diciembre de 2017
ANTZERKIA ARANTZAN
Lehenengo hiruhileko honetan gogor lan egin ondoren Arantzako eskolakoek beren lana aurkeztu ziguten, haur hezkuntzatik D.B.H. arte guztiek hartu zuten parte. Ongi, txukun eta detaile handiz prestatutako ikuskizuna. ZORIONAK ARANTZA!
miércoles, 13 de diciembre de 2017
IDAZLEAK
Lehengoan Juan Kruz Igerabide idazlea eta Lupe Lekuona ipuin kontalaria izan genituen bisitan. Arreta handiz entzun zituzten haien istorioak...
miércoles, 29 de noviembre de 2017
EMAKUMEEN AURKAKO INDARKERIAREN KONTRAKO NAZIOARTEKO EGUNA
Guk ere ez dugu onartuko!!
"2014ko datuen arabera, Europan, sexu jazarpena jasan duten emakumeak %55 dira,
hau da, 100 milioi emazte. Lanean hiru emakumetik batek jasan du. Bestalde,
herrialdeak alderatuz, bikotekideak eraginda 15 eta 49 urte arteko
emakumeen %71k jasan dute indarkeria fisiko edo sexuala herrialde
batzuetan eta bazter batzuetan, berriz %15 da
Munduan, emakumeen %35ek jasan izan dute
indarkeria fisiko edo sexualen bat bizitzan, hau da, 1.000 milioi emakumek.
Bikotekideek sortutakoak kasuen %30 izan dira. Azkenik, Europan, umeen %12k jasan dituzte sexu abusuak eta indarkeria fisikoa
haurren %27k jasan du." Wikipedia.
Isiltasun minutu bat. Nahikoa da. Beldurrik gabe.
BIRZIKLAPENA
Urtero bezala, Mankomunitatekoak birziklapenari buruzko tailer txiki bat eskeini digute sortzen ditugun hondakinak arduraz probestu eta berrerabiltzeko. 2 eta 3. ziklokoentzat zuzendutako lana izan zen. Hementxe dituzue ikasleak lanean...
Zain dezagun ingurunea!!
Zain dezagun ingurunea!!
martes, 28 de noviembre de 2017
LESAKAKO FERIAK
Aurreko ostegunean Lesakara bidean abiatu ginen feriak zirela eta. Herri-kirolak, animaliak eta hainbat postu ikusi genituen besteak beste. Hortaz gain, ikasleak erosketak egiteko aukera ere izan zuten. Eguraldia aldeko izan genuen azkenean!
miércoles, 15 de noviembre de 2017
XORROXIN
Kazetari profesionalen gisa aritu ginen Xorroxin irratian. Eskola guztiak izan zuen bertan parte hartzeko
Etxetik entzun al izan zenuten arren, argazki hauen bitartez irratia barrutik erakutsi nahiko genizueke. Disfrutatu!
aukera, hirugarren ziklokoen gidaritzapean egonik.
Etxetik entzun al izan zenuten arren, argazki hauen bitartez irratia barrutik erakutsi nahiko genizueke. Disfrutatu!
martes, 7 de noviembre de 2017
YOGA ETA MARGOKETA
Hezkuntza ez da soilik hizkuntza, ingurune eta matematikan oinarritzen. Ikasleen eboluzio integrala bilatzen da Igantziko Eskolan. Hortarako, beren bilakaerarako garrantzitsu izango diren hainbat aspektu ere garatu behar dira; hori da, hain zuzen, ekintza hauekin bilatzen dugun helburua. Posturen hobekuntza, erlajazio ariketak, espresioa, kontzentrazioa, motrizitatea, norberaren ezagutza eta beste hainbat aspekturen hobekuntza ezin dira atzean gelditu.
"Ikasketa orok dauka oinarri emozional bat" - Platon
lunes, 30 de octubre de 2017
AUZOLANA
Urtero legez, herria garbi mantentzeko auzolanean ibili gara. Adinen arabera taldetan banatuta Igantziko zoko ezberdinak txukundu ditugu. Ikasleek ingurunea zaintzen ikasten duten bitartean naturak eskerrak ematen ditu!
viernes, 20 de octubre de 2017
BIZIKLETEN EGUNA
Udazkenean ez ohiko den eguraldi eguzkitsu bat lagun izanda abiatu ginen Lehen Hezkuntzakook Berara. Poliki-poliki, adin ezberdinetako kideen erritmoak errespetatuz eta batak besteari lagunduz iritsi ginen hamaiketakoaren gosez. Bazkaldu ere bertan egin genuen bueltan pasako genuen beroari erreparatu gabe. A ze kalda!!
Eta hau ez da dena! Haur Hezkuntzakoak etorkizunerako
prestaketa lanetan ibili ziren beren neurriko zirkuito bat sortuta. Foruzaingo
prestatuen gidaritzapean eskolako mugetatik kanpo esperoan duten araudia
barneratu zuten.
martes, 10 de octubre de 2017
Ordutegia eta irakaslegoa
Kaixo familia!
Ondorengo sarreran ikasturteko egutegia jarriko dugu. Bertan aurkituko dituzue aurtengo lan eta jai egunak.
Horrez gain, irakasleen inguruko informazioa ere hemen aurkituko duzue, ziklo bakoitzeko tutorea nor den, alegia.
Ondorengo sarreran ikasturteko egutegia jarriko dugu. Bertan aurkituko dituzue aurtengo lan eta jai egunak.
Horrez gain, irakasleen inguruko informazioa ere hemen aurkituko duzue, ziklo bakoitzeko tutorea nor den, alegia.
jueves, 5 de octubre de 2017
Zinemaldia!
Alfonbra gorririk ez dugu, baina aktore eta aktoresa famatuen antzera gu ere zinemaldira joan ginen irailaren 22an. Printze Txikia liburu ezagunean oinarritutako pelikula ikusi genuen aurtengoan.
miércoles, 4 de octubre de 2017
Bide Heziketako Tailerra
Irailaren 18an bide heziketako klaseak jaso zituzten eskolako ikasleek, klase teorikoak zirkuito praktiko batekin borobildu zituzten. Trebe ibili ziren bizikletekin!!
martes, 3 de octubre de 2017
2017-18 kurtsoan murgildu gara dagoeneko!
Ongi etorri bertze urte batez Igantziko eskolako blogera!! Gehienek dakizuen bezala, hemen izango duzue eskolan egiten diren ekintzen, lanen, irteeren eta bertze hainbat gauzen berri. Bidai hau guztiontzat aberasgarri eta polita izango delakoan...
Agur bero bat.
jueves, 22 de junio de 2017
Azken ihardueren argazkiak "Taldeen ekintzak" atalean dituzue. Irteerak, Haurraren eguna etabar.
Mila esker bloga urte hauetan jarraitu duzuen guziei, momentu eta emozio asko elkar konpartitzeagatik. Baita ere eskerrak eman Igantziko ikas komunitateari (guraso, ikasle eta irakasleei) gure eskola egiten eta aurrera eramaten laguntzeagatik.
MUXU POTOLO bat denei!!
lunes, 3 de abril de 2017
KORRIKA TTIKI. IGANTZI 2017
Atzo korrika ttikia egin genuen Igantzin euskarari eman nahi diogun bultzada emateko. Aurten Bortzirietatik pasako ez denez korrika ttikiarekin konformatu gara. Haurrak gustora egin zuten korrika eta guraso aunitz ere hurbildu ziren nola korrika egiten genuen ikustera. Gauean, Igantziar batzuk ere Zubieta aldera hurbildu ziren eskolako eta herriko kilometroan parte hartzera. Giro ederra izan omen zen!!!
Ttipi ttapa ttipi ttapa KORRIKA!!!!
Suscribirse a:
Entradas (Atom)